Angliya Premyer-ligasining eng qo‘pol ko‘rsatkichga ega klublari ma’lum qilindi. Bu borada "Manchester Yunayted" vanihoyat turnir jadvali peshqadamiga aylandi. Kompyuter tartib-intizom borasidagi statistikani so‘nggi besh yillik davr uchun hisoblab chiqdi. Bu vaqtda APLda bo‘lgan 12 ta klub ko‘rsatkichlari hisobga olindi. Natijalar shuni ko‘rsatdiki, "MYU" qoidabuzarlik va jazolanish borasida ustuvorlikka ega.
Ortda qolgan besh yil davomida "qizil iblislar" jami 386 ta sariq kartochka bilan jazolangan. Bu esa ikkinchi o‘rindagi jamoadan 13 taga ko‘proqdir. Mankunianliklar bu davr mobaynida, shuningdek, to‘qqizta qizil kartochkaga tortilgan. Ushbu raqam 12 ta klub ichidagi ikkinchi eng yomon raqamdir. Sariq kartochkalar ko‘pligi hisobiga qoidabuzarliklar borasida "Manchester Yunayted" o‘rtacha hisobda birinchi o‘rinni egallaydi. O‘rtacha ochkoni hisoblashda har bir sariq kartochka bitta, qizil kartochka esa ikkita ochko sifatida hisoblab olindi. Shunda "MYU"ga har bir o‘yin uchun o‘rtacha 2.04 ochko kelib chiqdi. Shu sababli, "MYU" "Everton"dan yuqorida joylashtirildi.
"Everton" ikkinchi o‘rindagi eng yomon intizomli jamoaga aylangan. Klub APLda "Manchester Yunayted"dan ancha kam sariq olgani rost. Ammo mersisaydliklarning qizil kartochkalari soni naq 17 tani tashkil etadi. Bu esa eng yomon ikkita ko‘rsatkichlardan biridir. Umumiy hisoblab ko‘rilganda "Everton"ning o‘rtacha 2.03 ochko berildi. Uchinchi pog‘ona "Tottenxem"ga nasib etdi. "Shporlar"ning o‘rtacha ochkosi 2.02 ga teng. To‘rtinchi o‘rinni "Vulverxempton" band etgan bo‘lib, "bo‘rilar"da ham ahvol anchagina yomon.
Keyingi o‘rinlarda "Arsenal", "Nyukasl Yunayted" va "Kristal Pelas" keladi. Kuchli o‘nlikni esa "Brayton", "Chelsi" va "Vest Xem" yakunlaydi.
Qo‘shimcha, izlanishlar shuni ko‘rsatdiki, Yevropaning kuchli beshlik chempionlari ichida qoidabuzarliklar uchun eng ko‘p jazolangan klub "Xetafe" bo‘lib chiqdi. Bu klubning o‘rtacha ochkosi 3.66 teng. Ular 5 yil davomida 652 ta sariq va 39 ta qizil kartochka bilan jazolangan. Shuningdek, keyingi yomon intizomli jamoalar ham ispan klublari bo‘lmish "Sevilya" va "Atletiko de Madrid"dir.
ISMATOV J.
