Ispaniyalik jurnalist Jovanni Batista «Real Sosyedad» yarim himoyachisi Arsen Zaxaryanning Chempionlar ligasidagi debyuti haqida gapirdi.

Eslatib o‘tamiz, 20 yoshli futbolchi Yevropa klublarining asosiy turniri guruh bosqichida «Benfika»ga (1:0) qarshi o‘yinining 76-daqiqasida maydonga tushgan edi. Rus futbolchisi hech qanday samarali harakatlar ko‘rsatmadi.

Jurnalistning fikricha, Zaxaryanda ijobiy sifat bor, lekin u hali ham yangi jamoasiga moslashishi kerak.

«Zaxaryan hali ham bosh rolni o‘z zimmasiga olish imkoniyatiga ega bo‘ladi, biroq hozircha bu lavozimdagi raqiblari yaxshi formaga tushib olgan.

Besh ballik tizimda men uning debyutini uchga baholagan bo‘lardim», - deya Batistaning so‘zlaridan iqtibos keltiradi «Chempionat» nashri.