Ertaga «Hilton Tashkent City» mehmonxonasida O‘zbekiston futbol assosiasiyasi hamda Rossiyaning «SILA International Lawyers» xalqaro yuridik kompaniyasi hamkorligidagi «Huquq va Sport» nomli xalqaro seminar tashkil etiladi.
Unda ma’ruzachilar sifatida xorijning bir qator taniqli sport huquqshunoslari, jumladan FIFA, «SILA International Lawyers» xalqaro yuridik kompaniyasi vakillari, Sport Arbitraj Sudining arbitrlari, Rossiyaning «Dinamo» hamda «Zenit» futbol klublarining yuridik bo‘limlari rahbarlari ishtirok etadi.
Mazkur seminar professional futbol klublarida faoliyat yurituvchi huquqshunoslar hamda FIFA TMS menejerlari uchun mo‘ljallagan bo‘lib, dasturda, asosan, FIFA Futbolchilar maqomi va transferi bo‘yicha Reglamentidagi eng so‘nggi o‘zgartirishlar, FIFAning Futbol agentlari faoliyati to‘g‘risidagi yangi Reglamenti, FIFA TMS va futbol transferlari tizimiga oid sport qoidalari, Mehnat shartnomalaridan kelib chiquvchi nizolarni hal qilish amaliyoti kabi masalalar qamrab oladi. Seminar chet eldan tashrif buyuruvchi xalqaro spikerlar tomonidan rus va ingliz tillarida olib boriladi. Ishtirokchilar soni chegaralangan.
Dasturda ishtirok etish istagida bo‘lganlar ushbu havola orqali ro‘yxatdan o‘tishlari hamda seminar haqidagi batafsil ma’lumotga ega bo‘lishlari mumkin.