"PSJ" sardori va himoyachisi Markinyos Chempionlar ligasi guruh bosqichi 3-turi doirasidagi uy uchrashuvida "Milan" ustidan qozonilgan yirik g‘alaba (3:0) haqida fikr bildirdi.
Ushbu uchrashuvdagi birinchi gol parijliklar hujumchisi Kilian Mbappe tomonidan kiritildi.
"Bu yaxshi o‘yin bo‘ldi. Boshida biroz qiyin bo‘ldi, "Milan" bizga bosim o‘tkazdi, ba’zi xatolarga yo‘l qo‘ydik, ammo hisobni ochish juda muhimligini tushundik. Bu goldan so‘ng o‘yinning borishini yaxshiroq nazorat qila oldik.
Tarkibimizda Mbappedek futbolchi borligidan juda baxtiyormiz. U raqib darvozasi oldida kamdan-kam xatoga yo‘l qo‘yadigan mahoratli va tezkor futbolchi. Agar raqib himoyasi bitta xatoga yo‘l qo‘ysa, Mbappe bundan foydalanadi va odatda golga aylanadi", - dedi Markinyos Sky Sport Italia nashriga.
