“Inter” shu yozda “neradzurrilar” safiga erkin agent sifatida kelib qo‘shilgan Markus Tyuramning agentiga 8 million yevro to‘lagan. Bu haqda Nikolo Skira xabar bermoqda.

Tuttosport xabariga ko‘ra, Tyuramning "Inter"dagi yillik maoshi 7,7 million yevro (soliqlar to‘langanidan keyin 6 million). Shartnomada natijaga erishish va ma’lum miqdordagi o‘yin o‘ynash uchun bonuslar ham nazarda tutilgan.

O‘tgan mavsum oxirida Myonxengladbaxning "Borussiya"si bilan shartnomasi tugaganidan so‘ng Markus erkin agent sifatida "Inter"ga o‘tdi. Yangi jamoasida fransiyalik futbolchi dastlabki 12 uchrashuvda 4 ta gol urdi va 6 ta golli uzatmani amalga oshirdi.