“Интер” шу ёзда “нерадзуррилар” сафига эркин агент сифатида келиб қўшилган Маркус Тюрамнинг агентига 8 миллион евро тўлаган. Бу ҳақда Николо Скира хабар бермоқда.
Tuttosport хабарига кўра, Тюрамнинг "Интер"даги йиллик маоши 7,7 миллион евро (солиқлар тўланганидан кейин 6 миллион). Шартномада натижага эришиш ва маълум миқдордаги ўйин ўйнаш учун бонуслар ҳам назарда тутилган.
Ўтган мавсум охирида Мёнхенгладбахнинг "Боруссия"си билан шартномаси тугаганидан сўнг Маркус эркин агент сифатида "Интер"га ўтди. Янги жамоасида франциялик футболчи дастлабки 12 учрашувда 4 та гол урди ва 6 та голли узатмани амалга оширди.