"Manchester Siti" himoyachisi Kayl Uoker Manchester derbisining ahamiyati haqidagi savolga javob berdi.
"Siti" 29 oktyabr kuni "Old Trafford"da "Manchester Yunayted"ga qarshi o‘ynaydi.
"O‘tgan mavsumda biz "Old Trafford"da mag‘lub bo‘ldik, ammo treblni qo‘lga kiritdik va yakunda bu muhim bo‘lgan oxirgi fakt. Bo‘lajak o‘yin juda muhim, ammo bu umumiy rasmning faqat bir qismi. Oxirgi marta bu yerda o‘ynaganimizda, omad biz tomonda bo‘lmadi, lekin biz orqaga qaytdik va muvaffaqiyatga erishdik.
Biz g‘alaba qozonishni istaymiz, chunki bu g‘alaba Premyer-liga chempionligi sari qadamlardan biri bo‘ladi. So‘nggi yillarda “Yunayted”ga qarshi ko‘plab yaxshi o‘yinlar o‘tkazdik. Hozir biz yana muxlislarimizni xursand qilmoqchimiz”, - deya Uokerning so‘zlarini keltiradi jurnalist Endi Xempson.
