«Ayaks» o‘z muxlislarini dahshatga solmoqda - jamoa ayni damda Gollandiya chempionati turnir jadvalida oxirgi o‘rinni egallab turibdi.

Yakshanba kuni amsterdamliklar «PSV»ga 2:5 hisobida imkoniyatni boy berishdi.

Opta ma’lumotlariga ko‘ra, «Ayaks» tarixda birinchi marta Erediviziyaning ketma-ket beshta o‘yinida mag‘lub bo‘ldi.

Gollandiya chempionatining o‘tgan o‘n turida «Ayaks» faqat bitta g‘alabaga erishdi. Bu voqea 12 avgust kuni sodir bo‘lgandi, o‘shanda «Ayaks» o‘z maydonida «Xerakles»ni 4:1 hisobida mag‘lub etgan.