Hakamlarning muzokaralarini jonli efirda barchaga eshittirish g‘oyasi ancha oldin e’lon qilingan edi.
Biroq qoidalarni tartibga soluvchi Xalqaro futbol assosiasiyasi kengashi (IFAB) VAR aloqalarini jonli efirga uzatmoqchi emas. Bu haqda tashkilot bosh kotibi Lukas Brud gapirdi.
«Biz buni qilmasligimiz kerak. O‘yin davomida hakamlar o‘rtasidagi muloqotga guvoh bo‘ldim, bu juda xaotik holat - bir vaqtning o‘zida ko‘p odamlar gaplashmoqda.
Buni tinglash kimgadir noqulay va g‘alati bo‘ladi. Biz shaffoflikni qo‘shish uchun qarorlar e’lon qilinishini sinovdan o‘tkazishga ruxsat berdik, ammo biz hozir jonli efir uchun muloqotni ochishga tayyor emasmiz», dedi Bryud BBCga.
