«Real» vingeri Franko Mastantuono La Liganing 26-turi doirasidagi «Xetafe»ga (0:1) qarshi o‘yin yakunida bosh hakam Alexandro Munis Ruis sha’niga haqoratli so‘zlar aytgani uchun to‘g‘ridan-to‘g‘ri qizil kartochka oldi.

Ikkinchi bo‘limga qo‘shib berilgan beshinchi daqiqada 18 yoshli argentinalik futbolchi hakamning harakatlaridan noroziligini ifodalab, bir necha bor «Qanday sharmandalik, naqadar la’nati hakamlik» degan iborani ishlatgan, bu esa uning maydondan chetlatilishiga sabab bo‘lgan. Bu haqda AS nashri xabar bermoqda.

Endilikda Mastantuono ikkita o‘yinga diskvalifikasiya qilinishi mumkin. «Real» navbatdagi uchrashuvlarda «Selta» va «Elche» bilan to‘qnash keladi. Bundan tashqari, «Real» himoyachilari Din Xyoysen va Alvaro Karreras ham Ispaniya chempionatining 27-turidan o‘rin olgan, 7 martga belgilangan «Selta»ga qarshi bahsni o‘tkazib yuborishadi.

Joriy mavsumda Mastantuono barcha turnirlarda 26 ta o‘yinda maydonga tushib, uchta gol urdi va bitta golli uzatmani amalga oshirdi.