«Реал» вингери Франко Мастантуоно Ла Лиганинг 26-тури доирасидаги «Хетафе»га (0:1) қарши ўйин якунида бош ҳакам Алехандро Муньис Руис шаънига ҳақоратли сўзлар айтгани учун тўғридан-тўғри қизил карточка олди.

Иккинчи бўлимга қўшиб берилган бешинчи дақиқада 18 ёшли аргентиналик футболчи ҳакамнинг ҳаракатларидан норозилигини ифодалаб, бир неча бор «Қандай шармандалик, нақадар лаънати ҳакамлик» деган иборани ишлатган, бу эса унинг майдондан четлатилишига сабаб бўлган. Бу ҳақда AS нашри хабар бермоқда.

Эндиликда Мастантуоно иккита ўйинга дисквалификация қилиниши мумкин. «Реал» навбатдаги учрашувларда «Сельта» ва «Эльче» билан тўқнаш келади. Бундан ташқари, «Реал» ҳимоячилари Дин Хёйсен ва Альваро Каррерас ҳам Испания чемпионатининг 27-туридан ўрин олган, 7 мартга белгиланган «Сельта»га қарши баҳсни ўтказиб юборишади.

Жорий мавсумда Мастантуоно барча турнирларда 26 та ўйинда майдонга тушиб, учта гол урди ва битта голли узатмани амалга оширди.