"Liverpul" klub bosh murabbiyi Yurgen Kloppning yordamchisi Pepeyn Leynders "mersisaydlik" yarim himoyachisi Rayan Gravenberx haqida gapirdi.

"Biz uning nimalarga qodirligini bilardik. Hozir "Ayaks"dagi Rayanni ko‘ryapmiz. "Bavariya"da nima bo‘lganini aniq bilmayman, lekin ishonchim komilki, o‘ziga ishongan va ishonchsiz o‘yinchi ikki xil o‘yinchidir. Xuddi shu narsa muntazam o‘yin amaliyotiga ham tegishli. Shuning uchun Liga kubogi biz uchun juda muhim. Chunki o‘ynamagan futbolchi o‘ziga to‘liq ishona olmasligini bilamiz. Maydonning so‘nggi uchdan bir qismidagi Rayan, sakkizinchi raqam sifatida, raqib bosimidan qanday qutulishni biladigan o‘yinchi. U to‘pni bosim ostida ushlab turish va shu bilan birga hujumni davom ettirish variantlarini topa oladi. Gravenberx aynan biz qidirgan markaziy yarim himoyachi", - dedi Leynders "Liverpul" rasmiy saytiga.

Gravenberx yozgi transfer oynasida "Bavariya"dan "Liverpul"ga o‘tdi.