«Nyukasl Yunayted» yarim himoyachisi Sandro Tonali Italiya hukumati tomonidan 10 oyga futboldan chetlatilgandi.

Endi Angliya futbol assosiasiyasi Sandro ustidan o‘z tekshiruvini boshlaganini tasdiqladi.

O‘tgan hafta 23 yoshli futbolchi Italiya futbol federasiyasi tomonidan noqonuniy pul tikish faoliyatida ayblanib, «Breshiya» va «Milan» bilan bog‘liq shartnomalar fonida tekshirilgan. Natijada u 2024 yilning avgustigacha futbol o‘ynashdan chetlashtirilgani e’lon qilingan edi.

NewcastleWorld'ning xabar berishicha, Angliya FA endi yarim himoyachi Premyer-ligaga o‘tganidan keyin pul tikish qoidalarini buzganmi yoki yo‘qligini tekshirmoqda.

Juma kuni ertalab «Nyukasl» sport direktori Den Eshvort 45 daqiqalik sessiyada ommaviy axborot vositalariga murojaat qildi va FAdan futbolchi pul tikish qoidalarini buzganmi yoki yo‘qligini so‘radi.