«Ньюкасл Юнайтед» ярим ҳимоячиси Сандро Тонали Италия ҳукумати томонидан 10 ойга футболдан четлатилганди.
Энди Англия футбол ассоциацияси Сандро устидан ўз текширувини бошлаганини тасдиқлади.
Ўтган ҳафта 23 ёшли футболчи Италия футбол федерацияси томонидан ноқонуний пул тикиш фаолиятида айбланиб, «Брешия» ва «Милан» билан боғлиқ шартномалар фонида текширилган. Натижада у 2024 йилнинг августигача футбол ўйнашдан четлаштирилгани эълон қилинган эди.
NewcastleWorld'нинг хабар беришича, Англия ФА энди ярим ҳимоячи Премьер-лигага ўтганидан кейин пул тикиш қоидаларини бузганми ёки йўқлигини текширмоқда.
Жума куни эрталаб «Ньюкасл» спорт директори Ден Эшворт 45 дақиқалик сессияда оммавий ахборот воситаларига мурожаат қилди ва ФАдан футболчи пул тикиш қоидаларини бузганми ёки йўқлигини сўради.
