Чоршанба оқшомида Чемпионлар Лигасида катта ўйин бўлиб ўтади — "Реал" ўз майдонида "Манчестер Сити"ни қабул қилади. The Touchline нашрининг хабар беришича, "Сантьяго Бернабеу" стадионида ўйин олдидан том ёпилган.
Об-ҳаво маълумотлари сайтларига кўра, айни дамда Мадридда ҳаво анча илиқ, +15 даража, бир неча соатдан кейин ҳарорат +13 даражага тушади. Ёғингарчилик йўқ ва кутилмаяпти. Эҳтимол, "Реал" томи ёпиқ стадионда жамоа акустика жиҳатидан қандайдир устунликка эга бўлади деб ҳисоблаётгандир?
"Реал" ва "Манчестер Сити" ўртасидаги Чемпионлар Лигаси баҳси Тошкент вақти билан соат 01:00 да бошланади.
