Иван Ракитичнинг фикрича, "Милан"нинг 40 ёшли ярим ҳимоячиси Лука Модрич ёзда тарк этган жамоаси — "Реал"га ҳали ҳам фойда келтириши мумкин эди.
"У кўпчиликдан фарқ қилади. Бу тасодиф эмас, чунки у ўзига қарайди ва яхши тайёргарлик кўради. Охир-оқибат, тинимсиз меҳнат қилганлар бунга лойиқдирлар. У бахтли, мамнун ва футболдан катта завқ олмоқда. Энг муҳими, биз унинг ўйинларидан имкон қадар кўпроқ ҳузур олишимиз керак.
Унинг кетиши нафақат "Реал", балки бутун Испания футболи учун катта хато бўлди. Менимча, унинг жамоада қолиши учун кўпроқ ҳаракат қилиш керак эди. Мадриддаги ишларнинг ҳозирги ҳолатидан келиб чиқиб айтадиган бўлсам, менимча, мураббий унинг хизматларидан жуда мамнун бўлган бўларди.
Афсуски, биз футболчи жуда ёш бўлганида ёшига қарамаганимиздек, катталарга ҳам шундай муносабатда бўлмаяпмиз. Лука эса бизга футболда ёш чегаралари йўқлигини кўрсатиб бермоқда", — деди "Барселона" ва Хорватия терма жамоаси собиқ ярим ҳимоячиси Ракитич.
