"Монако" клубининг 22 ёшли сенегаллик ярим ҳимоячиси Ламин Камара ёзги трансфер ойнаси арафасида "Ливерпуль" эътибор марказида турибди. Бу ҳақда футбол инсайдери Экрем Конур ёзмоқда.

Журналистнинг қайд этишича, инглиз клуби скаутлари Камаранинг Лига 1 даги чиқишларидан ижобий таассурот олишган. Шу сабабли, улар футболчи "Ливерпуль"нинг ярим ҳимоядаги ўйинини кучайтиришга ёрдам бера олади, деб ҳисоблашмоқда.

Ламин Камара 2024 йилда "Мец"дан ўтганидан бери "Монако" шарафини ҳимоя қилиб келмоқда. Ушбу мавсумда ярим ҳимоячи клуб сафида 23 та ўйин ўтказиб, 3 та голли узатмани амалга оширди.