"Реал" президенти Флорентино Перес жамоанинг ҳужум чизиғида Килиан Мбаппе ва Эрлинг Холанддан иборат юлдузли жуфтлик ҳаракат қилишини истамоқда. Бу ҳақда L’Equipe нашрига таяниб The Touchline хабар бермоқда.

Бундан аввал ҳам матбуотда Холанднинг номи бир неча бор Испания грандлари, хусусан "Реал" билан боғланган эди. Шу билан бирга, Эрлинг яқинлашиб келаётган ёзда клубини ўзгартириш ниятида эмаслиги ҳақида маълумотлар пайдо бўлганди.

Июль ойида Эрлинг Холанд 26 ёшга тўлади. Нуфузли Transfermarkt портали норвегиялик ҳужумчини 200 миллион еврога баҳоламоқда. Жорий мавсумда Холанд клуб миқёсидаги 39 та ўйинда 29 та гол уришга муваффақ бўлди.