"Real" prezidenti Florentino Peres jamoaning hujum chizig‘ida Kilian Mbappe va Erling Xolanddan iborat yulduzli juftlik harakat qilishini istamoqda. Bu haqda L’Equipe nashriga tayanib The Touchline xabar bermoqda.
Bundan avval ham matbuotda Xolandning nomi bir necha bor Ispaniya grandlari, xususan "Real" bilan bog‘langan edi. Shu bilan birga, Erling yaqinlashib kelayotgan yozda klubini o‘zgartirish niyatida emasligi haqida ma’lumotlar paydo bo‘lgandi.
Iyul oyida Erling Xoland 26 yoshga to‘ladi. Nufuzli Transfermarkt portali norvegiyalik hujumchini 200 million yevroga baholamoqda. Joriy mavsumda Xoland klub miqyosidagi 39 ta o‘yinda 29 ta gol urishga muvaffaq bo‘ldi.













