"Barselona"ning niderlandiyalik yarim himoyachisi Frenki de Yong noyabr oyidagi terma jamoalar o‘yinlari tugaganidan keyin jarohatidan qutulishi mumkin. Jurnalist Toni Xuanmarti ijtimoiy tarmoqlarda ma’lumotlar bilan bo‘lishmoqda.
Uning yozishicha, "Barsa" murabbiylar shtabi La Liganing 14-tur o‘yinida futbolchini maydonga tushirish niyatida. U bahsda "ko‘k-anorranglilar" Madridning "Rayo Valyekano" jamoasi bilan to‘qnash kelishadi. Shu bois, de Yong kataloniyaliklarning yana kamida uchta o‘yinini o‘tkazib yuboradi - Ispaniya chempionatida "Real Sosyedad" va "Alaves"ga va Chempionlar ligasida "Shaxtyor"ga qarshi.
Frenki de Yong o‘tgan sentyabr oyining uchinchi o‘n kunligida to‘pig‘idan jarohat olgan va hali shundan buyon maydonga tushmagan.
