"Барселона"нинг нидерландиялик ярим ҳимоячиси Френки де Йонг ноябрь ойидаги терма жамоалар ўйинлари тугаганидан кейин жароҳатидан қутулиши мумкин. Журналист Тони Хуанмарти ижтимоий тармоқларда маълумотлар билан бўлишмоқда.
Унинг ёзишича, "Барса" мураббийлар штаби Ла Лиганинг 14-тур ўйинида футболчини майдонга тушириш ниятида. У баҳсда "кўк-анорранглилар" Мадриднинг "Райо Вальекано" жамоаси билан тўқнаш келишади. Шу боис, де Йонг каталонияликларнинг яна камида учта ўйинини ўтказиб юборади - Испания чемпионатида "Реал Сосьедад" ва "Алавес"га ва Чемпионлар лигасида "Шахтёр"га қарши.
Френки де Йонг ўтган сентябрь ойининг учинчи ўн кунлигида тўпиғидан жароҳат олган ва ҳали шундан буён майдонга тушмаган.
