Kataloniyaning «Barselona» klubi darvozaboni Mark-Andre ter Shtegen Ispaniya chempionatining kechagi «Real Sosyedad»ga qarshi o‘yini haqida gapirdi.
«Ko‘k-anorranglilar» o‘yin oxirida gol urib, 1:0 hisobida g‘alaba qozondi.
«Bu juda qiyin jang bo‘ldi. «Barselona» eng yaxshi o‘yin ko‘rsata olmadi, lekin biz uch ochkoni qo‘lga kiritganimizdan xursandmiz.
Uchrashuv juda teng o‘tdi. Omad biz tomonda bo‘ldi, yakunda g‘alaba qozona oldik. Biz uyga yaxshi kayfiyatda ketyapmiz», - deya germaniyalik darvozabonning so‘zlarini keltiradi Mundo Deportivo.
Ispaniya chempionatining 12-turi yakunlariga ko‘ra, Xavi Ernandes shogirdlari 27 ochko jamg‘arib, uchinchi o‘rinda bormoqda.
