«Selta» hujumchisi Yago Aspas La Liganing 12-turidan o‘rin olgan «Sevilya»ga (1:1) qarshi o‘yinda jamoa foydasiga bekor qilingan penaltiga emosional tarzda munosabat bildirdi.

Uchrashuvning 90+7-daqiqasida bosh hakam Alexandro Ernandes Ernandes Xesus Navasning Yorgen Larsenga nisbatan qo‘polligi uchun «Sevilya» darvozasiga penalti belgiladi.

Biroq, VARni boshqargan hakam Eduardo Pryeto Iglesiasning maslahatidan so‘ng bosh hakam epizodning takrorini tomosha qildi va keyin penaltini bekor qildi.

Bu qaror Aspasga ma’qul kelmadi va u g‘azablangan holda VAR monitorini yerga uloqtirdi.

«Men hamma ko‘rgan narsani ko‘rdim. O‘tgan haftada «Jirona»da shunday bo‘ldi, bugun ham shunday. Har safar boshimizni ko‘targanimizda, ular bizni yanada chuqurroq yerga bosishadi.

Ularning bizdan qarzdor bo‘lgan barcha ochkolarini inobatga oladigan bo‘lsak, biz deyarli Chempionlar Ligasi zonasida bo‘lishimiz kerak edi», - dedi futbolchi o‘yindan so‘ng.