"Barselona" ikki futbolchisi bilan xayrlashishga qaror qildi. Todofichajes jurnalistlariga ma’lum bo‘lishicha, himoyachi Markos Alonso va yarim himoyachi Serxi Roberto "blaugrana" safini tark etishadi.
Kataloniyaliklar futbolchilar bilan yanvardagi transfer oynasida yoki 2023/2024 yilgi mavsum oxirida xayrlashishi mumkin. Xavi Ernandes boshchiligidagi jamoa murabbiylar shtabi endi bu futbolchilar bilan hisoblashmaydi.
La Liganing 12-turi natijalariga ko‘ra, "Barselona" turnir jadvalida uchinchi o‘rinni egallab turibdi.