Osiyo chempionlar ligasi guruh bosqichi 4-turi doirasida "Nasaf" o‘z maydonida "Sharja"ni qabul qildi. O‘yin voqealarga boy bo‘ldi.

Bahsning 7-daqiqasida hakam VAR yordamida mehmonlar darvozasi tomon penalti belgiladi. Jaba Jigauri tomonidan yo‘llangan zarbani esa "Sharja" posboni qaytardi. Ushbu darvozabon birinchi o‘yinda ham penaltini qaytarib, jamoasiga muim g‘alabani taqdim etgandi.

Oradan 8 daqiqa o‘tib esa BAAliklar hisobni ochishdi. Alibek Davronovnig xatosidan so‘ng Musa Magera darvozabonimiz bilan yakkama-yakka vaziyatga chiqib ketdi, to‘pni darvozaga joyladi.

"Nasaf" esa 80-daqiqaga kelib hisobni tenglashtirdi. Zafarmurod Abdurahmatov chap qanotdan havolatib yetkazgan uzatmani Lima Kruz bosh bilan darvozaga joylab qo‘ydi. Goldan so‘ng raqib posboni Nurulloyevga nisbatan tajovuzkor harakat qilgani uchun maydondan chetlatildi.

Ikkinchi bo‘limga 10 daqiqa qo‘shib berildi. Uning ikkinchi daqiqasi o‘tib borayotganida Alibek Davronov ikkinchi sariq kartochkani olib, maydonni tark etdi. Natijada "Nasaf" o‘yin oxiriga qadar golga tortadigan vaziyat yarata olmadi.

Ushbu durang tufayli "Sharja"ning ochkolari 8 taga yetgan bo‘lsa, "Nasaf" 7 ochko bilan 2-o‘rinni egallab turibdi.

OCHL. «B» guruhi, 4-tur
"NASAF" - "SHARJA" (BAA) - 1:1 (0:1)
Gollar: Mateus Lima Kruz (81) — Musa Magera (16)
Noaniq penalti: Jaba Jigauri (8, darvozabon)
Ogohlantirishlar: Nasrullayev (31), Alibek Davronov (59) — Muhammad ABdulbosit (73)
Chetlatishlar: Alibek Davronov (90+2) Odil al-Husaniy (84, darvozabon)
"Nasaf": Ne’matov, Davronov, Nasrullayev (Lima Kruz, 71), G‘aybullayev (Abdurahmatov 46), Mozgovoy, Nurulloyev, Abdurahimov (Siddiqov 46), Jigauri (Stanoyevich 46), Bozorov, Eshmurodov, Omonov (Andres Chaves 71)