Manuel Akanji «Manchester Siti» bilan yana treblga erishmoqchi.
O‘tgan mavsumda «shaharliklar» Angliya chempioni bo‘lishdi, mamlakat kubogi va Chempionlar ligasida g‘olib chiqishdi.
«Men Liga kubogini yuta olmadim va bu yil biz bunday imkoniyatdan mahrum bo‘ldik. Superkubok uchun ham xuddi shunday, biz uni o‘tkazib yubordik.
Biz mavsumni juda yaxshi o‘tkazdik. Birinchi yilingizda treblni qo‘lga kiritishdan yaxshiroq hislarni topish qiyin. Bu juda yaxshi edi.
Bizning maqsadimiz endi uni takrorlashdir. Agar biz trebl yuta olmasak, bu umidsizlik bo‘ladi. Men yana barcha sovrinlarni qo‘lga kiritmoqchiman.
Treblni yutish haqiqatan ham qiyin, ha, lekin bizning maqsadimiz har yili g‘alaba qozonishdir», – dedi futbolchi.
