«MYU» sobiq futbolchisi Piter Shmeyxel VAR haqida gapirdi.
«Shubhasiz, «Manchester Yunayted»ning bugungi o‘yinidan hafsalamiz pir bo‘ldi.
Men Kristina Unkelning (VAR bo‘yicha ekspert) aytganlari va tushuntirishlari haqida bir narsani aytmoqchiman.
Men Kristinani yaxshi ko‘raman, u hamma narsani juda yaxshi tushuntiradi deb o‘ylayman, lekin men biroz charchadim.
Futbolni kim uchun o‘ynayotganimizni endi tushunmayapmiz. Bu yerda bo‘lgan odamlar uchun, bu yerdagi 36000 muxlis uchun va ulardan birortasi ham o‘sha voqealarga munosabat bildirmadi.
Hech kim qizil kartochka uchun qichqirmadi. Hech kim nima bo‘layotganini bilmaydi va bu ajoyib atmosferani o‘ldiradi.
Bu stadionda bo‘lgan muxlislarning ishtiyoqini o‘ldiradi. Sog‘lom fikr futboldan chiqib ketdi. Bu mening fikrim», – dedi sobiq futbolchi.
