«Real» darvozaboni Kepa Arrisabalaga mushaklaridagi jarohat tufayli bir necha hafta maydonga tusha olmaydi, deya xabar beradi Marca.

Manbaga ko‘ra, futbolchi Chempionlar ligasi guruh bosqichi 4-turi doirasidagi «Braga»ga (3:0) qarshi o‘yin oldidan qizib olish jarayonlari paytida jarohat olgan. U uch haftagacha o‘yinlarni o‘tkazib yuboradi.

Joriy mavsumda 29 yoshli futbolchi «Real» safida 13 ta o‘yin o‘tkazib, o‘z darvozasidan 10 ta gol o‘tkazib yubordi va 6 ta uchrashuvda o‘z darvozasi daxlsizligini saqlab qola oldi. Futbolchining huquqlari «Chelsi»ga tegishli.