«Manchester Yunayted» chorshanba kuni Chempionlar ligasi doirasida «Kopengagen»ga 3:4 hisobida mag‘lub bo‘lib, o‘z muxlislarini xafa qildi. O‘yindan so‘ng hujumchi Rasmus Xyoylund jamoa bosh murabbiyi Erik ten Xag himoyasiga chiqdi.
«Ten Xag juda yaxshi murabbiy. U har bir tafsilotga e’tibor beradi, menga ko‘p yordam beradi, menga ishonch beradi va meni qo‘llab-quvvatlaydi.
Menimcha, kiyinish xonasidagi har bir futbolchi Ten Xagni qo‘llab-quvvatlaydi. Umid qilamanki, bu vaqt masalasidir, natijalar kelishini kutish kerak», - deya Xyoylundning so‘zlarini keltiradi Goal.
Eslatib o‘tamiz, «Manchester Yunayted» Chempionlar ligasi guruh bosqichining 4 turidan so‘ng, kvartetda so‘nggi o‘rinni egallab turibdi.
