«Манчестер Юнайтед» чоршанба куни Чемпионлар лигаси доирасида «Копенгаген»га 3:4 ҳисобида мағлуб бўлиб, ўз мухлисларини хафа қилди. Ўйиндан сўнг ҳужумчи Расмус Хёйлунд жамоа бош мураббийи Эрик тен Хаг ҳимоясига чиқди.
«Тен Хаг жуда яхши мураббий. У ҳар бир тафсилотга эътибор беради, менга кўп ёрдам беради, менга ишонч беради ва мени қўллаб-қувватлайди.
Менимча, кийиниш хонасидаги ҳар бир футболчи Тен Хагни қўллаб-қувватлайди. Умид қиламанки, бу вақт масаласидир, натижалар келишини кутиш керак», - дея Хёйлунднинг сўзларини келтиради Goal.
Эслатиб ўтамиз, «Манчестер Юнайтед» Чемпионлар лигаси гуруҳ босқичининг 4 туридан сўнг, квартетда сўнгги ўринни эгаллаб турибди.
