"Jirona" safida Ispaniya chempionatida to‘p tepayotgan qanot himoyachisi Migel Gutyerres Angliya Premyer-ligasining top-klubida o‘ynash imkoniyatiga ega. Bu haqda jurnalist Fabrisio Romanoning ijtimoiy tarmoqlarida xabar berildi.
Manbaga ko‘ra, Londonning "Arsenal" klubi futbolchini o‘z safiga qo‘shib olmoqchi. "Kanonirlar" Ispaniyaga Gutyerres o‘yinini tomosha qilish uchun skautlarni yuborishdi.
22 yoshli lateralning "Jirona" bilan 2027 yilning o‘rtalariga qadar shartnoma majburiyatlari bor. Transfermarkt Gutyerresning narxini 15 million yevroga baholamoqda.
