«PSJ»ning sobiq bosh murabbiyi Kristof Galtye Uorren Zair-Emerining iste’dodini birinchi bo‘lib ko‘rganligidan faxrlanadi, u hozirda butun Fransiya futbolini hayratga solmoqda.
«Bu yigit nihoyatda yetuk, to‘laqonli xarakterga ega. Uning ish uslubi, intizomi – hammasi joyida. Diqqatli, har doim yangi ma’lumotlarni o‘zlashtirishga tayyor, suhbatlashishdan ko‘ra tinglaydi.
Uning o‘ziga xos tamoyillari bor», - deya Galtyening so‘zlaridan iqtibos keltiradi Italiyaning ITASportPress axborot agentligi.
Eslatib o‘tamiz, Galtye «PSJ» bilan xayrlashganidan so‘ng Yaqin Sharqda ish topdi - ammo bugungi kunda moda bo‘lgan Saudiya Arabistonida emas, balki Qatarda.
