"Inter"ning 34 yoshli chililik hujumchisi Aleksis Sanches faoliyatidagi eng muhim goli haqida gapirdi. Futbolchi Chili terma jamoasiga 2015 yilda Amerika Kubogidagi ilk g‘alabasini keltirgan golini muhim deb atadi.
"Eng muhim gol bu, albatta, Argentinaga qarshi finalda urgan golim - bu Chili termasiga tariximizda ilk bor Amerika kubogini olib keldi. Shuningdek, "Real"ga qarshi o‘yinda "El-Klasiko"da urilgan gol va, albatta, "Yuventus"ga qarshi Italiya Superkubogida 121-daqiqada kiritilgan gol ham bor", - dedi Sanches "Inter" matbuot xizmatiga.