Madridning “Real” klubi va Fransiya terma jamoasi yarim himoyachisi Eduardo Kamavinga terma jamoa mashg‘ulotlarini yakunlay olmadi.

Avvalroq futbolchining tizzasiga hamyurti Usmon Dembele zarba bergani haqida xabar berilgandi.

Kamavinga mashg‘ulotni tark etar ekan, u Didye Deshamga o‘zini yaxshi his qilayotganini aytdi, deya xabar bermoqda Canal Plus.

Qayd etilishicha, yetkazilgan jarohatning qanchalik jiddiyligi hali aniqlanmagan, shu bois futbolchining Gibraltar terma jamoasi bilan o‘yindagi ishtiroki so‘roq ostida qolmoqda.

2024 yilgi Yevropa chempionati saralash bosqichi doirasidagi Fransiya va Gibraltar o‘yini 18 noyabr kuni bo‘lib o‘tadi. O‘yin Toshkent vaqti bilan 00:45 da boshlanishi rejalashtirilgan.