Мадриднинг “Реал” клуби ва Франция терма жамоаси ярим ҳимоячиси Эдуардо Камавинга терма жамоа машғулотларини якунлай олмади.
Аввалроқ футболчининг тиззасига ҳамюрти Усмон Дембеле зарба бергани ҳақида хабар берилганди.
Камавинга машғулотни тарк этар экан, у Дидье Дешамга ўзини яхши ҳис қилаётганини айтди, дея хабар бермоқда Canal Plus.
Қайд этилишича, етказилган жароҳатнинг қанчалик жиддийлиги ҳали аниқланмаган, шу боис футболчининг Гибралтар терма жамоаси билан ўйиндаги иштироки сўроқ остида қолмоқда.
2024 йилги Европа чемпионати саралаш босқичи доирасидаги Франция ва Гибралтар ўйини 18 ноябрь куни бўлиб ўтади. Ўйин Тошкент вақти билан 00:45 да бошланиши режалаштирилган.
