Saudiya Arabistonining «An-Nasr» klubi hujumchisi Krishtianu Ronalduning qo‘shnilari futbolchi uchun qurilayotgan yangi uy sababli norozi bo‘lmoqda. Bu haqda "Marca" xabar tarqatdi.

Manbaga ko‘ra, qurilayotgan qasr Portugaliyadagi eng qimmat uy bo‘lishi kutilmoqda. Uning qurilishi 2024 yilda yakunlanadi. Mazkur shohona uy Lissabondan 20 daqiqalik yo‘l masofasidagi Kashkaysh shahrida barpo etilmoqda. Uning tannarxi 22 million dollarga baholanmoqda.

Loyiha 4 qavatdan iborat bo‘lib, uning devorlari chiroyli peysajlar bilan bezatilgan bo‘ladi. Bundan tashqari, unda kinozal, xizmat ko‘rsatish hududi, trenajyor zali, tennis kort, Krishtianuga tegishli 20 dan ortiq avtomobillar saqlash uchun ikkita garaj ham ko‘zda tutilgan.

«Uch yildan beri qurilish davom etyapti. Uy shunchalik kattaki, shifoxona qurilayotganga o‘xshaydi. Mening ko‘cham bir necha oydan beri yopib qo‘yilgan, bog‘im esa changga to‘lib ketdi. Uy qurilishi yana kamida bir yil davom etadi. Barchasidan "to‘yib" ketdik!» — dedi shu hududda yashovchi insonlardan biri.