Mashhur argentinalik sobiq futbolchi Xavyer Zanetti Lionel Messini 2026 yilgi jahon chempionatida o‘ynashga ishontirish mumkinmi, degan savolga javob berdi.

"Men hozirgi kun bilan yashash kerak deb hisoblaydiganlardanman. Agar Messi o‘zini hozirgidek his qilsa, u jahon chempionatida o‘ynashni xohlashi mumkin. Asosiysi, u o‘zini qulay his qilmoqda va musobaqalarda qatnashish istagini saqlab turibdi”, - dedi Zanetti Tyc Sports nashriga.

Eslatib o‘tamiz, o‘tgan yilning oxirida Argentina terma jamoasi Lionel Messi bilan jahon chempioni bo‘lgandi. Finalda argentinaliklar 3:3 hisobida durang o‘ynagan Fransiyani penaltilar seriyasida mag‘lub etdi.