"Real Madrid" o‘ng qanot himoyachisi Daniel Karvaxal jamoadoshi Arda Gyulerni qo‘llab-quvvatladi.
18 yoshli futbolchi mavsum boshlanishidan oldin "Los-Blankos" safiga qo‘shilgan, ammo davomiy jarohatlar tufayli hali debyut o‘tkazmagan. Yaqinda ispan matbuoti xabar berishicha, futbolchi hozirgi vaziyat tufayli tushkunlikka tushib qolgan.
“Men Gyulerni tinchlantirish uchun unga murojaat qildim. Bu tabiiy jarayon, ba’zida tanaga moslashish uchun vaqt kerak va siz kuchliroq qaytish uchun hamma narsani qilishingiz kerak. Men buni o‘z tajribamga asoslanib aytdim. Arda bu borada yolg‘iz emasligini tushunishi kerak, bu boshqalar bilan ham sodir bo‘ladi", - deya ispaniyalik futbolchining so‘zlarini keltiradi El Pais.
