"Реал Мадрид" ўнг қанот ҳимоячиси Даниэль Карвахаль жамоадоши Арда Гюлерни қўллаб-қувватлади.
18 ёшли футболчи мавсум бошланишидан олдин "Лос-Бланкос" сафига қўшилган, аммо давомий жароҳатлар туфайли ҳали дебют ўтказмаган. Яқинда испан матбуоти хабар беришича, футболчи ҳозирги вазият туфайли тушкунликка тушиб қолган.
“Мен Гюлерни тинчлантириш учун унга мурожаат қилдим. Бу табиий жараён, баъзида танага мослашиш учун вақт керак ва сиз кучлироқ қайтиш учун ҳамма нарсани қилишингиз керак. Мен буни ўз тажрибамга асосланиб айтдим. Арда бу борада ёлғиз эмаслигини тушуниши керак, бу бошқалар билан ҳам содир бўлади", - дея испаниялик футболчининг сўзларини келтиради El Pais.
