«MYU» hujumchisi Markus Reshford boshida ko‘rgilik:

Uning o‘zi CHL o‘yinida qizil kartochka olgan bo‘lsa, akasi va agenti polisiya tomonidan hisbga olindi zo‘ravonlik ayblovi bilan. Markus ushbu «qora chiziq»dan o‘tib olish uchun oyog‘ida mustahakam turishi lozim.

Markus Reshford CHL guruh bosqichi 4-turi doirasida «Kopengagen»ga qarshi kechgan omadsiz o‘yinda to‘g‘ridan-to‘g‘ri qizil kartochka oldi. Angliyalik hujumchi maydondan chetlashtirilgan 41-daqiqada «MYU» 2:0 hisobida oldinda borayotgandi, keyin son bo‘yicha kamchilik sifatga ta’sir ko‘rsatdi - «qizil iblislar» yakunda yana bir mag‘lubiyat bilan «achomalashishdi» (3:4). «Qizil» vaziyatiga to‘xtalsak, to‘pni tanasi bilan yopishga uringan Reshford daniyalik himoyachi Elias Yelert oyog‘ini bosib oldi. Bosh hakam Donatas Rumshas esa VAR bilan maslahatlashganidan so‘ng «MYU» vakiliga to‘g‘ridan-to‘g‘ri qizil kartochka ko‘rsatdi. Oqibatda boshi g‘avg‘odan chiqmayotgan Erik ten Xag jamoasi yaxshigina ustunlikni qo‘ldan chiqardi, yakunda mag‘lublikni tan oldi.

Bu orada Markusning akasi Dueyn Floridada oilaviy zo‘ravonlikda ayblanib, hibsga olingani ma’lum bo‘ldi. Bir necha manbalar, xususan, TeleSport xabarida voqea tafsilotlari keltirilmagan. Faqat aytish kerak, Reshfordning barcha huquqiy ishlari oilasi tomonidan boshqariladi. Dueyn esa futbolchining shaxsiy agenti hisoblanadi.