"Barselona" darvozaboni Mark-Andre ter Shtegen jamoaning "Rayo Valyekano"ga qarshi bo‘lajak o‘yinini o‘tkazib yuborishi mumkin.

Eslatib o‘tamiz, futbolchi avvalroq Germaniya terma jamoasi safida jarohat olib, klubga qaytgandi. Ma’lum qilinishicha, tibbiy ko‘rik davomida Ter Shtegenda jiddiy muammolar aniqlanmagan.

Mundo Deportivo xabariga ko‘ra, 21 noyabr, seshanba kuni darvozabon mashg‘ulotlarni o‘tkazib yuborgan va bu uning "Rayo Valyekano"ga qarshi o‘yinda ishtirok etishiga shubha uyg‘otadi.

Joriy mavsumda Ter Shtegen barcha musobaqalarda 17 ta o‘yin o‘tkazib, o‘z darvozasidan 15 ta gol o‘tkazib yubordi va 8 marta o‘z darvozasi daxlsizligini saqlab qolishga muvaffaq bo‘ldi.

"Rayo Valyekano" va "Barselona" o‘rtasidagi uchrashuv 25 noyabr kuni bo‘lib o‘tadi. La Liganing 14-tur o‘yini Toshkent vaqti bilan soat 18:00da boshlanadi.