"Барселона" дарвозабони Марк-Андре тер Штеген жамоанинг "Райо Вальекано"га қарши бўлажак ўйинини ўтказиб юбориши мумкин.
Эслатиб ўтамиз, футболчи аввалроқ Германия терма жамоаси сафида жароҳат олиб, клубга қайтганди. Маълум қилинишича, тиббий кўрик давомида Тер Штегенда жиддий муаммолар аниқланмаган.
Mundo Deportivo хабарига кўра, 21 ноябрь, сешанба куни дарвозабон машғулотларни ўтказиб юборган ва бу унинг "Райо Вальекано"га қарши ўйинда иштирок этишига шубҳа уйғотади.
Жорий мавсумда Тер Штеген барча мусобақаларда 17 та ўйин ўтказиб, ўз дарвозасидан 15 та гол ўтказиб юборди ва 8 марта ўз дарвозаси дахлсизлигини сақлаб қолишга муваффақ бўлди.
"Райо Вальекано" ва "Барселона" ўртасидаги учрашув 25 ноябрь куни бўлиб ўтади. Ла Лиганинг 14-тур ўйини Тошкент вақти билан соат 18:00да бошланади.
