"Atletiko" hujumchisi Antuan Grizmann "Real" yarim himoyachisi Jud Bellingem haqida o‘z fikrlari bilan o‘rtoqlashdi.

"Klubga kelib, darhol nom qozonish qiyin, lekin haqiqat shuki, Bellingem "Real"da juda yaxshi ishlamoqda, chunki u bir zumda o‘z nomini yaratishga muvaffaq bo‘ldi. Ba’zan u to‘p o‘ziga qarab qaytganidan keyin gollar uradi, lekin to‘p uning oyog‘iga tushishi bejiz emas, chunki Bellingem doimo ochiq joylarni qidiradi. Menga uning yoqadigan jihati shu. U har doim kurashga kiradi, g‘alaba qozonishni istaydi va bu juda sezilarli", - dedi Grizmann Marca bilan suhbatda.

Eslatib o‘tamiz, joriy mavsumda angliyalik yarim himoyachi barcha turnirlarda 14 ta o‘yinda ishtirok etib, 13 ta gol va 3 ta golli uzatmani amalga oshirgan.