"Атлетико" ҳужумчиси Антуан Гризманн "Реал" ярим ҳимоячиси Жуд Беллингем ҳақида ўз фикрлари билан ўртоқлашди.

"Клубга келиб, дарҳол ном қозониш қийин, лекин ҳақиқат шуки, Беллингем "Реал"да жуда яхши ишламоқда, чунки у бир зумда ўз номини яратишга муваффақ бўлди. Баъзан у тўп ўзига қараб қайтганидан кейин голлар уради, лекин тўп унинг оёғига тушиши бежиз эмас, чунки Беллингем доимо очиқ жойларни қидиради. Менга унинг ёқадиган жиҳати шу. У ҳар доим курашга киради, ғалаба қозонишни истайди ва бу жуда сезиларли", - деди Гризманн Marca билан суҳбатда.

Эслатиб ўтамиз, жорий мавсумда англиялик ярим ҳимоячи барча турнирларда 14 та ўйинда иштирок этиб, 13 та гол ва 3 та голли узатмани амалга оширган.