Madridning “Atletiko” klubi Ispaniya chempionatining 13-turi doirasida o‘z maydonida “Malyorka”ni qabul qildi – 1:0. Yagona golni 63-daqiqada Mario Ermozoning uzatmasini boshi bilan hujumchi Antuan Grizmann kiritdi.
Bu gol Antuanning "matraschilar" tarkibidagi 170-goli bo‘ldi, buning evaziga u Adrian Eskuderoni (1945 - 1958) ortda qoldirib, klub to‘purarlari ro‘yxatida ikkinchi o‘ringa ko‘tarildi.
Birinchi o‘rinda Ispaniya terma jamoasining sobiq murabbiyi Luis Aragones (1964 - 1974) - 173 gol.
Grizmann ayni damda La Liganing eng yaxshi to‘purarlaridan biri hisoblanadi. U 13 o‘yinda 9 ta gol urgan, bu "Real" yarim himoyachisi Jud Bellingemdan ikkita kam.
La Liganing 13-turidan so‘ng “Atletiko” 31 ochkoga ega va chempionatda uchinchi o‘rinda bormoqda.
