"Manchester Yunayted" hujumchisi Antoni Marsyal Turkiyaga ko‘chib o‘tishi mumkin.
27 yoshli futbolchi yanvar oyidayoq "qizil iblislar"ni tark etishi mumkin - bu futbolchi asosiy tarkibda kamdan-kam vaziyatda maydonga tushadi, shuning uchun klub unga bo‘lgan takliflarni o‘rganishga tayyor. Fotomac xabariga ko‘ra, “Fenerbaxche” fransiyalik futbolchiga da’vogarlar ro‘yxatiga qo‘shilgan. Turkiya klubi vakillari kelasi hafta transfer bo‘yicha dastlabki muzokaralarni o‘tkazishadi.
Yakshanba kuni Antoni Marsyal joriy Premyer-liga mavsumidagi ilk golini "Everton” darvozasiga kiritdi. "Transfermarkt" portali forvardning narxini 15 million yevroga baholamoqda.