"Манчестер Юнайтед" ҳужумчиси Антони Марсьяль Туркияга кўчиб ўтиши мумкин.
27 ёшли футболчи январь ойидаёқ "қизил иблислар"ни тарк этиши мумкин - бу футболчи асосий таркибда камдан-кам вазиятда майдонга тушади, шунинг учун клуб унга бўлган таклифларни ўрганишга тайёр. Fotomac хабарига кўра, “Фенербахче” франциялик футболчига даъвогарлар рўйхатига қўшилган. Туркия клуби вакиллари келаси ҳафта трансфер бўйича дастлабки музокараларни ўтказишади.
Якшанба куни Антони Марсьяль жорий Премьер-лига мавсумидаги илк голини "Эвертон” дарвозасига киритди. "Transfermarkt" портали форварднинг нархини 15 миллион еврога баҳоламоқда.