Angliya Premyer-ligasi klublari “Palmeyras”ning o‘sib borayotgan yulduzi Estevan Villianga da’vogarlar ro‘yxatini to‘ldirishdi.
Avval xabar qilinganidek, 16 yoshli futbolchini "Barselona" va "Real" diqqat bilan kuzatib bormoqda. Insayder Ekrem Konurning so‘zlariga ko‘ra, yosh vingerga talab ortib bormoqda: endi uni “Chelsi”, “Manchester Siti” va “Manchester Yunayted” ham sotib olishga qiziqish bildirmoqda. Transfer 2025 yilda, braziliyalik 18 yoshga to‘lganidan oldin amalga oshishi mumkin.
Ma’lumki, o‘z vatanida allaqachon "Messinyo" laqabini olgan Estevan Villianning o‘zi "Barselona"ga muxlislik qiladi, shuning uchun u Kataloniya klubiga o‘tishni afzal ko‘radi.