Bel og‘rig‘i tufayli "Barselona"ning so‘nggi o‘yinini o‘tkazib yuborgan nemis darvozaboni Mark-Andre ter Shtegen safga qaytishga yaqin turibdi. Bu haqda AS nashri xabar bermoqda.
Manbaning xabariga ko‘ra, darvozabon Chempionlar ligasi guruh bosqichi doirasida bo‘lib o‘tadigan "Portu"ga qarshi o‘yinda "ko‘k-anorranglilar" tarkibiga qaytishi mumkin. Bellashuv 28 noyabr, seshanba kuni bo‘lib o‘tadi.
Joriy mavsumda 31 yoshli darvozabon Ispaniya chempionatida 13 ta o‘yinda maydonga tushdi. Mark-Andre 6 uchrashuvda 13 ta gol o‘tkazib yubordi.