Бел оғриғи туфайли "Барселона"нинг сўнгги ўйинини ўтказиб юборган немис дарвозабони Марк-Андре тер Штеген сафга қайтишга яқин турибди. Бу ҳақда AS нашри хабар бермоқда.
Манбанинг хабарига кўра, дарвозабон Чемпионлар лигаси гуруҳ босқичи доирасида бўлиб ўтадиган "Порту"га қарши ўйинда "кўк-анорранглилар" таркибига қайтиши мумкин. Беллашув 28 ноябрь, сешанба куни бўлиб ўтади.
Жорий мавсумда 31 ёшли дарвозабон Испания чемпионатида 13 та ўйинда майдонга тушди. Марк-Андре 6 учрашувда 13 та гол ўтказиб юборди.